გენერალური შტაბის ხელმძღვანელის დანიშვნის შემდეგ ნატოს სამხედრო კომიტეტის საქართველოში ვიზიტი მალევე დაიგეგმება, _ განაცხადა ჟურნალისტებთან სახელმწიფო მინისტრმა ევროპულ და ევროატლანტიკურ სტრუქტურებში ალექსი პეტრიაშვილმა, რომელმაც აღნიშნა, რომ ნატოს სამხედრო კომიტეტის ოფიციალური მიმღები გენერალური შტაბია და მისი ხელმძღვანელის დანიშვნის შემდეგ ვიზიტი უახლოეს მომავალში დაიგეგმება.
პეტრიაშვილის განცხადებით, ნატოს სამხედრო კომიტეტის საქართველოში ვიზიტის გადადებას საერთო არ აქვს მიმდინარე დაკავებებთან. როგორც პეტრიაშვილმა მთვარობის სხდომის დასრულების შემდეგ განაცხადა ნატოს საქართველოსთან მჭიდრო ურთიერთობა აქვს და ამას პრემიერის ბრიუსელში ვიზიტიც ადასტურებს.
,,მინდა აღვნიშნო, რომ უაღრესად მნიშვნელოვანია, რომ უმოკლეს დროში შედგება შეხვედრა ბატონ ბიძინა ივანიშვილის ნატოსა და ევროკავშირის ხელმძღვანელობასთან. იქნება შეხვედრები რასმუსენთან, ბაროზოსთან, ფულესთან, ეს არის დადასტურება იმისა, რომ ახალ ხელისუფლებასთან ევროკავშირისა და ნატოს ხელმძღვანელობას ურთიერთობის გაღრმავებასთან დაკავშირებით პრინციპული პოზიცია ქვს", _განაცხადა პეტრიაშვილმა, რომელმაც აღნიშნა, რომ მას შემდეგ, რაც პრემიერ-მინისტრისა და პრეზიდენტის შეთანხმების შედეგად დასახელდება გაერთიანებული შტაბის ხელმძღვანელის ვინაობა ნატოს სამხედრო კომიტეტი საქართველოში უახლოეს მომავალში ჩამოვა", _განაცხადა პეტრიაშვილმა.
შეგახსენებთ, საქართველოში დაგეგმილი ნატოს სამხედრო კომიტეტის ვიზიტი გადაიდო.
