პარტია "ევროპელი დემოკრატების" ლიდერი პაატა დავითაია აცხადებს, რომ 1992 წლიდან საქართველოს აფხაზეთის თემატიკასთან დაკავშირებით ერთ მილიმეტრითაც არ წაუწევია წინ.
"1992 წლის შემდეგ არაფერი შეცვლილა. 1992 წლიდან ერთი მილიმეტრით ან ერთი სანტიმეტრით წავიწიეთ თუ არა ჩვენ წინ აფხაზეთის თემატიკასთან დაკავშირებით? სულ დათმობები იყო ყველანაირი ფორმით. დღეს ჩვენ მივედით კრიტიკულ ზღვრამდე, მოდით გავყინოთ ეს სიტუაცია რაც არის, ნუ გამოვხატავთ ზედმეტ ინიციატივებს, რომლებიც ჩვენს წინააღმდეგ იმუშავებს",_ აცხადებს დავითაია.
მისი თქმით, ახლა შექმნილ სიტუაციაში არსებოვს სამი გზა: პირველი, - რომ საქართველომ აღიაროს დამოუკიდებლობა და თავი დაანებოს აფხაზეთსა და ოსეთს. მეორე გზა - არის ის, რომელიც სურს რუსეთის ფედერაციას, რომ საქართველო გახდეს ევრაზიული კავშირის წევრი, რაც უნდა პუტინს.
"ამ შემთხვევაში არ ვიცი რა ფორმითა და რა მიდგომებით, მაგრამ აფხაზეთის საქართველოს სამართლებრივ ჩარჩოებში მოქცევა შეიძლება. მაშინ უნდა ვთქვათ, რომ თავი დავანებოთ სწრაფვას დამოუკიდებლობისაკენ და რაღაც სხვა მიზნებისკენ სვლას.
და მესამე გზა, რომელსაც მე ვთავაზობ საზოგადოებას: გავყინოთ ის სიტუაცია რაც ახლა არის. ჩვენ თუ ვერ ვიბრუნებთ ჩვენს შვილებს მაინც დავუტოვოთ სამართლებრივი საფუძველი ამ ტერიტორიების დაბრუნებისა", _აცხადებს პაატა დავითაია და აღნიშნავს: "გამოვიდა პარლამენტის თავმჯდომარე და მან თქვა აბა რა უნდა ვქნათო, პასპორტებიც უნდა ვაღიაროთ, გზაც უნდა გავხსნათო და ისიც დაამატა, რომ ამის შემდეგ "პატრიოტული გამოხტომები" იქნებაო.
შეიძლება დავით უსუფაშვილისათვის, პაატა ზაქარეიშვილისათვის ეს "პატრიოტული გამოხტომებია" ჩემთვის ეს ჩემი ცხოვრების ნაწილია",_ აცხადებს დავითაია.
მისივე თქმით, თუ ვინმე გრანტენს იღებდა ასეთ იდეებში, საქართველო ტყვიას, სასაფლაოებს და დაუმახავ ადამიანებს იღებდა.
" ეს არის განსხვავება ჩვენსა და მათ შორის. ეს მათ კარგად გაითავისონ და ასეთი სიტყვებით ნუ ეთამაშებიან ისინი აფხაზეთსა და ცხინვალის რეგიონს, ჩემთვის ეს ცხინვალის რეგიონია და არა სამხრეთ ოსეთი.
მინდა ყველას მოვუწოდო - სიტყვებით თამაშს თავი დაანებონ -"აღიარებაც და "ცნობაც" ერთი და იგივეა. ქართულ ზმნას არავინ არ განიხილავს აფხაზეთსა და ცხინვალის რეგიონში ისინი განიხილავენ დოკუმენტს. ზმნისა და ქართული სიტყვის წყობა მათ არ აინტერესებთ. ამიტომ იმედ ვიტოვებ, რომ მოხდება უკან დახევა ამ მიმართულებით და უკვე დაწყებულია უკან დახება ახალი ხელისულების მხრიდან ამ მიმართულებით, იმიტომ, რომ ხედავენ, რომ რეალურად რომ არაფერი არ გამოსდით", _ აცხადებს დავითაია.
