"არანაირი პირდაპირი დიალოგი აღარასოდეს არ შედგება არც აფხაზებთან და არც ოსებთან", _ განაცხადა პარტია "ევროპელი დემოკრატების" ლიდერმა პაატა დავითაიამ დღეს მოწყობილ პრესკონფერენციაზე.
"საზოგადოების დიდმა ნაწილმა პარტია "ქართულ ოცნებას" ხმა მისცა, იმის გამო, რომ იყო განცხადებები უშუალო პირდაპირი დიალოგის დაწყების შესახებ აფხაზებთან და ოსებთან. მე მაშინ ხმა არ ამომიღია და არ გამიკრიტიკებია არავინ იმიტომ , რომ არავის ეფიქრა, რომ ამის წინააღმდეგი ვარ. არანაირი პირდაპირი დიალოგი აღარასოდესშედგება არც აფხაზებთან და არც ოსებთან. ისინი წამოვლენ პირდაპირ დიალოგზე მხოლოდ ერთ შემთხვევაში - თუ ჩვენ ვაღიარებთ მათ დამოუკიდებლობას. სხვა დიალოგი, სხვა ფორმატში -არ იქნება. ეს ჩემი სიტყვები არ არის და ჩემი მოგონილი არის - ამაზე საუბრობენ ის სეპარატისტები, რომლებსაც ხელისუფლება იქ მითვისებული აქვთ", - აცხადებს დავითაია და აღნიშნავს, რომ ჟენევის ფორმატი არაფერი არ არის და ის არანაირ შედეგს არ მოიტანს.
" გზა, რომლის შემთხვევაშიც ისინი დიალოგზე წამოვლენ, ეს არის საქართველოს ევრაზიულ კავშირში გაწევრიანება. თუ ჩვენ ამისათვის ვამზადებთ საზოგადოებას მაშინ ვთქვათ ეს ღიად, ნუ ვიტყუებთ თავს და ღიად მოხდეს ამის დეკლარირება. ესეც გამოსავალია, ნუ გგონიათ, რომ ეს გამოსავალი არ არის. იმიტომ, რომ თმობ სუვერენიტეტს, თმობ დამოუკიდებლობას, მაგრამ იღებ ამას - ეს მარტივია. არ უნდა ამას თამაში, ითქვას ღიად",_ აცხადებს დავითაია.