"უმცირესობის წარმომადგენლებს აქვთ სურვილი, "საზოგადოებრივი მაუწყებლის" სამეთვალყურეო საბჭოსთან შეხვედრისა და მზად ვართ შევატყობინოთ ის, რაც ხდება უწყებელში", - განაცხადა ჟურნალისტებთან გია ჭანტურიამ შეხვედრის დაწყებამდე.
გია ჭანტურია საზოგადოებრივ მაუწყებელთან დაკავშირებით ფინანსთა მინისტრის განცხადებას გამოეხმაურა და აღნიშნა, რომ ხადურის განცხადებაში რამდენიმე უზუსტობა იყო.
"საგადასახადო დავალიანება დანაშაული არ არის. ჩვენ ორჯერ მივმართეთ ფინანსთა სამინისტროს, რომ მზად ვართ დავალიანების გადასახდელად და ვთხოვეთ, რომ ამისთვის გარკვეული ფორმა და გრაფიკი შემუშავებულიყო. 2010 წლიდან დღემდე ყველანაირი დოკუმენტაციის ბრუნვა მიმდინარეობს საზოგადოებრივ მაუწყებელსა და შემოსავლების სამსახურს შორის ელექტრონულად და აბსოლუტურად ყველასთვის ყველაფერი არის ცნობილი", - განაცხადა გია ჭანტურიამ.
შეგახსენებთ, რომ შემოსავლების სამსახურმა საზოგადოებრივი მაუწყებელის შემოწმება დაიწყო.