გამხნევდით, ყველაფერი დროებითია, _წერს კულტურისა და ძეგლთა დაცვის ყოფილი მინისტრი ,,ფესიბუკის" გვერდზე ბოლო დროინდელი პროცესების შეფასებისას.
,,ვფიქრობდი, თუ როგორ გამომეთქვა ჩემი პოზიცია და პროტესტი სამშობლოში ვაჟკაცურად დაბრუნებული ბაჩო ახალაიასა და საქართველოს შეიარაღებული ძალების გენერალური შტაბის ხელმძღვანელის, 15 წლის ასაკიდან ქართულ ჯარში მყოფი გიგი კალანდაძის დაპატიმრებაზე (იმაზე აღარაფერს ვამბობ თუ როგორ ირღვეოდა და ირღვევა მათ მიმართ უდანაშაულობის პრეზუმფცია - უმთავრესი რამ, რასაც ნებისმიერი, თითოეული მოქალაქის თავისუფლება ეფუძნება), და ყველაზე კარგი პასუხი ისევ უინსტონ ჩერჩილთან ვიპოვე: "გყავს მტრები? კარგია. ეს ნიშნავს რომ შენ რაღაც ღირებულის დაცვა გიცდია შენს ცხოვრებაში". ასე რომ, გამხნევდით, ყველაფერი დროებითია", _ აცხადებს რურუა და აღნიშნავს, რომ ყველაფერი დროებითია.
,, მათთვის კი, ვინც არჩევნებში გამარჯვებულთა ამ პირველ ნაბიჯებში ძალიან სახიფათო ტენდენციას ხედავს, ამჯერადაც მას დავესესხე: " პესიმისტი ყველა შანსში სირთულეს ხედავს; ოპტიმისტი კი ყველა სირთულეში - შანსს". ასე რომ, გამხნევდით, ყველაფერი ადამიანის ხედვაზეა დამოკიდებული. ჩვენთვის ყველასათვის კი ისევ ჩერჩილის ღირსეული სიბრძნით ვამთავრებ, რომელმაც დროის გამოცდას გაუძლო, რომელიც ყველაზე ზუსტი გამომცდელია: INWAR:RESOLUTION:(ომში:გამბედაობა) IN DEFEAT: DEFIANCE. (მარცხისას: დაუმორჩილებლობა) IN VICTORY : AGNANIMITY.(გამარჯვებაში:დიდსულოვნება)IN PEACE:GOOD WILL. (მშვიდობისას:კეთილგანწყობა), ასე რომ გამხნევდით, ეს რეცეპტი უნივერსალურია.
