ნატოში ინტეგრაცია ადამიანის უფლებების დაცვის მაღალ სტანდარტებს მოითხოვს, _ განაცხადა ჟურნალისტებთან სასჯელაღსრულების პრობაციისა და იურიდიული დახმარების საკითხთა მინისტრმა სოზარ სუბარმა საქართველოს ნატოში ინტეგრაციის, კოორდინაციის კომისიის სხდომის დასრულების შემდეგ და აღნიშნა, რომ სამინისტრო მაქსიმუმს გააკეთებს, რათა სასჯელაღრულების დაწესებულებები საერთაშორისო სტანდარტებს შეესაბამებოდეს.
,,ნატოში და ევროკავშირში ინტეგრაცია არის ჩვენი ქვეყნის სტრატეგია, შესაბამისად ჩვენი ხელისუფლების. ნატოში ინტეგრაცია მრავალ კომპონენტს გულისხმობს მათ შორის ადამიანის უფლებების დაცვის მაღალ სტანდარტს და ამ სტანდარტის მიღწევა აუცილებელია ყველა სფეროში მათ შორის პენიტენციარულ სისტემაში. ჩვენ ყველაფერს გავაკეთებთ, რომ საქართველოში არსებული მდგომარეობა შეესაბამებოდეს საერთაშორისო სტანდარტებს და ამას მალე მივაღწევთ", - განაცხადა სოზარ სუბარმა.
Mმისივე განცხადებით, ნატოსთან ინტეგრაციის გეგმას მისი მოადგილე სოფო ჯაფარიძე უხელმძღვანელებს.
,,ჩემი ერთ-ერთი მოადგილე სოფო ჯაფარიძე უხელმძღვანელებს ნატოსთან ინტეგრაციის გემას და კონკრეტული შედეგიც მალე გვექნება', -განაცხადა სოზარ სუბარმა.
შეგახსენებთ, რომ მთავრობის კანცელარიაში ბიძინა ივანიშვილის ხელმძღვანელობით საქართველოს ნატოში ინტეგრაციის, კოორდინაციის კომისიის სხდომა გაიმართა.