საქართველოს პრემიერ მინისტრი ბიძინა ივანიშვილი გაუგებარს უწოდებს საზოგადოებრივი მაუწყებლის ხელმძღვანელის გია ჭანტურიას "განაწყენებული ტონით" საუბარს.
მისი თქმით, "საზოგადოებრივ მაუწყებელში" პირველად მოხდება მაუწყებლის მართებულად შემოწმება.
"საზოგადოებრივ მაუწყებელში" არაგეგმიური რევიზია ნორმალურია. მე გია ჭანტურიას ვუსმენდი ტელევიზიით, ის გაღიზიანებული საუბრობდა, თუმცა ამბობდა, რომ ეს ჩვეულებრივი მოვლენააო და რატომ ღიზიანდებოდა, ვერ გავიგე", - განაცხადა ივანიშვილმა.
ივანიშვილი მიიჩნევს, რომ პირველად მოხდება საზოგადეოებრივი მაუწყებლის რეალური შემოწმება.
"ეს არის პირველი შემთხვევა, როდესაც მათ რეალურად შეამოწმებენ. ტყუილად ცდილობს ჭანტურია, თავი წარმოაჩინოს განაწყენებულად", - აღნიშნა პრემიერ-მინისტრმა.
