საქართველოს პრეზიდენტის მიხეილ სააკაშვილის განცხადებით ხალხი დაპირების შესრულებას ელოდება. როგორც პრეზიდენტმა აღნიშნა უამრავი დაპირებაა გაცემული რომლის შესრულებაც აუცილებელია.
"ჩვენი ხალხი დაპირებების შესრულებას ელოდება. იყო გაცემული უამრავი სოციალური დაპირება, რომელიც ეხებოდა უფასო ჯანდაცვას, უფასო სწავლას, კრედიტებზე საპროცენტო განაკვეთის, ასევე ტარიფების შემცირებას და ა.შ. ხალხი ელოდება, რომ უახლოეს პერიოდში ამ ყველაფრის განხორციელება დაიწყება.სულ ახლახან საქართველომ თავის ისტორიაში პირველად ერთი მთავრობის მეორედ ჩანაცვლების მშვიდობიანი, კონსტიტუციური საპარლამენტო პროცესი განახორციელა. მე, როგორც კონსტიტუციის გარანტი, როგორც საქართველოს პრეზიდენტი, ვიყავი და ვარ ამ პროცესის მონაწილე. ჩემი სურვილი იყო და არის, რომ შევძლოთ ცივილიზებული დიალოგის ფარგლებში საქართველოს შემდგომი განვითარების შენარჩუნება", - აღნიშნა პრეზიდენტმა.
მასალის გამოყენების პირობები