ევროპელი-დემოკრატების თავმჯდომარე პაატა დავითაია საკანონმდებლო ორგაონოს მოუწოდებს სახელმწიფო მინისტრის რეინტეგრაციის საკითხებში პაატა ზაქარეიშვილის განცხადებაზე იმსჯელოს.
მისივე განცხადებით, სამხრეთ ოსეთისა და აფხაზეთის პასპორტების აღიარება სახელმწიფოებრიობის აღიარების ტოლფასია.
,,პაატა ზაქარეიშვილი ავრცელებს ინფორმაციას, თითქოს მთავრობის მიერ მიმდინარეობს განხილვა აფხაზეთთან და ე.წ. სამხრეთ ოსეთთან სარკინიგზო და საავტომობილო მიმოსვლის შესახებ და ყველაზე საშინელება, რაც განიხილება ეს არის ის რომ საქართველოს მხარემ ცალმხრივად აღიაროს აფხაზური და ოსური პასპორტები, ეს არის ტოლფასი დამოუკიდებლობის აღიარების, რადგან პასპორტი არის სიმბოლო სახელმწიფოებრიობის აღიარების", _ განაცხადა დავითაიამ.
შეგახსენებთ, რომ სახელმწიფო მინისტრი რეინტეგრაციის საკითხებში პაატა ზაქარეიშვილი მიიჩნევს, რომ რუსეთთან სარკინიგზო მიმოსვლა აფხაზეთის გავლით უნდა აღდგეს.