საქართველოს პარლამენტის თავმჯდომარე დავით უსუფაშვილი ,,რესპუბლიკური პარტიის" თავმჯდომარის თანამდებობას ტოვებს. როგორც ,,პრეს-პრესში" სტუმრობისას უსუფაშვილმა განაცხადა მას პარტიის დატოვებას კანონი არ ავალდებულებს, თუმცა მიიჩნევს, რომ ორი თანამდებობის ერთმანეთთან შეთავსებას ვერ შეძლებს.
,, რა რეჟიმშიც პარლამენტის თავმჯდომარეს უწევს მუშაობა შეუძლებელია, მან პარტიის სათანადოდ ხელმძღვანელობა შეძლოს", _განაცხადა უსუფაშვილმა, რომელმაც აღნიშნა, რომ უახლოეს მომავალში პარტიის ყრილობა ჩატარდება, სადაც მოხდება ,,რესპუბლიკური პარტიის" თავმჯდომარის არჩევა, _ განაცხადა უსუფაშვილმა, რომელმაც აღნიშნა, რომ პარტიის დატოვება ასევე სხვა ადამიანებსაც მოუწევს. რაც შეეხება განათლების მინისტრის მოადგილეს დავით ზურაბიშვილს, რომელიც პარტიის მდივანი იყო დავით უსუფაშვილის განცხადებით ის ალბათ, ძველი ფუნქციის გაგრძელებას ვერ შეძლებს. რაც შეეხება სახელმწიფო მინისტრს რეინტეგრაციის საკითხებში პაატა ზაქარეიშვილს როგორც ,,მაესტროს" ეთერში დავით უსუფაშვილმა განაცხადა ის ალბათ, მოახერხებს თავისი ძველი მოვალეობის შესრულებას, რადგან ეროვნული კომიტეტი რომლის წევრი ზაქარეიშვილია ორ თვეში ერთხელ იკრიბება და მინისტრი შეძლებს დროის გამონახვას, _განაცხადა უსუფაშვილმა ,,პრეს-პრესში" სტუმრობისას.