აგვისტოს ომის დროს დაღუპული კაპრალის, რეზო ალავერდაშვილის დაკრძალვას სოფელ ნიჩბისში, საქართველოს პრემიერ-მინისტრი, ბიძინა ივანიშვილიც დაესწრო. დაკრძალვაზე ასევე იმყოფებოდნენ საქართველოს თავდაცვის მინისტრი, ირაკლი ალასანია, შინაგან საქმეთა მინისტრი, ირაკლი ღარიბაშვილი, იუსტიციის მინისტრი თეა წულუკიანი და ხელისუფლების სხვა წარმომადგენლები.
დაღუპული სამხედრო ქართულ არმიაში 2007 წლიდან მსახურობდა. ის, ბოლო დრომდე, უგზო-უკვლოდ დაკარგულად მიიჩნეოდა. თანამებრძოლებმა ალავერდაშვილი უკანასკნელად 9 აგვისტოს, მოწინააღმდეგესთან ერთ-ერთი შეტაკების დროს ნახეს. ალავერდაშვილი მხოლოდ 21 წლის იყო.
მასალის გამოყენების პირობები