რუსეთში 2008 წლის აგვისტოს მოვლენებისადმი მიძღვნილი წიგნი გამოვიდა. წიგნის სახელწოდებაა "ტრაგედიის კოდი: 08/08/08". წიგნი რუსეთის ფედერაციის საგამოძიებო კომიტეტმა გამოსცა. ინფორმაციას ამის შესახებ რუსული მედია ავრცელებს.
"წიგნი დაწერილია რუსეთის ფედერაციის საგამოძიები კომიტეტის სისხლის სამართლის საქმეების მასალების მიხედვით, საქართველოს დანაშაულებებზე რუსი სამშვიდობიებისა და სამხრეთ ოსეთისა და აფხაზეთის მშვიდობიანი მოსახლეობის წინააღმდეგ 2008 წლის აგვისტოში", _ წერს რუსული მედია.
რუსეთის ფედერაციის საგამოძიებო კომიტეტის ოფიციალური წარმომადგენელი ვლადიმერ მარკინი აცხადებს, რომ წიგნის მასალები არის 2008 წლის მოვლენების ილუსტრირება, "რომლებიც დეტალურად აღადგინეს საგამოძოიებო კომიტეტის თანამშრომლებმა შემთხვევის ასობით ადგილის დათვალიერების შემდეგ და რამდენიმე ათასი თვითმხილველებისა და მოწმის დაკითხვის შემდეგ, წიგნში არის ანალიზი 600 მდე სასამართლო ექსპერტიზისა და სხვა საგამოძიებო მოქმედებებისა".
წიგნი გამოცემულია რუსულ, ინგლისურ და ფრანგულ ენებზე.
მარკოვის თქმით, წიგნში ყველა წარმოდგენილი მასალა არის საქართველოს მიერ ჩადენილი დანაშაულის დამადასტურებელი საბუთი, რომელიც მან ე.წ. სამხრეთ ოსეთში მყოფი ე.წ. რუსი სამშვიდობოების წინააღმდეგ ჩაიდინა.
"გამოცემაში მოყვანილი ფოტომასალა ნათელ წარმოდგენას იძლევა იმისას, თუ რა იარაღიდან ხსნიდნენ ცეცხლს ქართველი სამხედროები რუსი მშვიდობისმყოფელებისა და ადგილობრივი მოსახლეობის წინააღმდეგ და იმის შესახებ თუ რა შანსი ჰქონდათ დაჭრილებს გადარჩენისა", _ აცხადებს მარკინი.
წიგნში ასევე წარმოდგენილია ზოგიერთი უცხოური მედიის მიერ დაკავებული პოზიცია, რომელიც "საშუალებას იძლევა წარმოიდგინო თუ როგორ იყო წარმოებული არა მხოლოდ საბრძოლო არამედ საინფორმაციო კამპანია".
ბოლოს რუსული მედია აღნიშნავს, რომ "სამხრეთ ოსეტში საქართველოს აგრესიის მსხვეროლი 1,5 ათას ადამიანზე მეტი გახდა. საგამოძიებო კომიტეტმა დოკუმენტაკურად დაადასტურა 162 მცხოვრების დაღუპვა. კონფლიქტის დროს ასევე დაღულია 67 რუსი სამხედრო მათ შორის სამშვიდობოები".
შეგახსენებთ, რომ 2008 წლის 7 აგვისტოს, ღამით, რუსეთის ფედერაციამ ვერაგულად დაარღვია საქართველოს დამოუკიდებელი რესპუბლიკის სუვერენული საზღვრები და მის ტერიტორიაზე ცხინვალის რეგიონის მხრიდან, როკის გვირაბის გავლით შემოიჭრა. რუსეთის ფედერაციამ საბრძოლო მოქმედებები დაიწყო ასევე რუსეთის მოსაზღვრე საქართველოს მეორე რეგიონში - აფხაზეთში.
რუსეთ-საქართველოს ხუთდღიანი ომის შედეგად რუსეთის ფედერაციამ საქართველოს ორი რეგიონის - აფხაზეთისა და ცხინვალის რეგიონის ოკუპაცია მოახდინა და ის მყოფი სეპარატისტების ე.წ. დამოუკიდებლობა 2008 წლის 26 აგვისტოს აღიარა.
დღემდე რუსეთის ფედერაცია უგულვებელყოფს 2008 წლის 12 აგვისტოს ცეცხლის შეწყვეტის, ძალების გაყვანისა და მათ კონფლიქტამდე არსებული დისლოკაციის ადგილზე დაბრუნების ხელშეკრულების შესრულებას, რომელსაც ხელი საქართველოს, საფრანგეთისა და რუსეთის პრეზიდენტება მოაწერეს. ამ ხელშეკრულების მიხედვით, რუსეთის ფედერაციამ თავისი სამხედრო ძალა 2008 წლის 7 აგვისტომდე არსებულ პოზიციებზე უნდა დააბრუნოს. ამჟამად, საქართველოს ეს ორი რეგიონი რუსეთის ოკუპაციის ქვეშ იმყოფება.