რუსეთთან დიპლომატიური ურთიერთობების დამყარება ახლოსაა ტერიტორიული მთლიანობის აღდგენასთან, - განაცხადა საქართველოს პრემიერ-მინისტრმა ბიძინა ვანიშვილმა სახელმწიფო კანცელარიაში გამართულ ბრიფინგზე, სადაც მან საქართველოს ყოფილი ელჩი ზურაბ აბაშიძე რუსეთის ფედერაციაში თავის სპეციალურ წარმომადგენლად წარადგინა. მისი თქმით, ეს ძალიან სწრაფად ვერ მოხდება.
"რაც ეხება დიპლომატიური ურთიერთოების აღდგენას, ეს ძალიან სწრაფად ვერ მოხდება ამ ორ ქვეყანას შორის მზაობაც რომ იყოს. ეს არ იქნება იოლი პროცესი. იცით, რომ საელჩოებია გახსნილი აფხაზეთისა და ოსეთის ტერიტორიებზე. დიდი პრობლემებია ამ მიმართულებით. უფრო ლოგიკურია, რომ ჯერ სავაჭრო და კულტურული ურთიერთობები დამყარდეს. დიპლომატიური ურთიერთობების დამყარება ახლოსაა ტერიტორიული მთლიანობის აღდგენასთან", - განაცხადა ივანიშვილმა.
მისივე თქმით, ის ფორმატი რომელიც, ორ ქვეყანას შორის არსებობდა - ჟენევვის მოლაპარაკებები - აუცილებლად უნდა შენარჩუნდეს.
" ეს არის უფრო მაღალი საფეხური და ახალი გზა, რომელზედაც ჩვენ უნდა ვიაროთ", - განაცხადა ივანიშვილმა.
