უნდა მოვახერხოთ და დავალაგოთ ჩვენს ყველაზე დიდი მეზობელთან ურთიერთობა, - განაცხადა საქართველოს პრემიერ-მინისტრმა ბიძინა ივანიშვილმა სახელმწიფო კანცელარიაში გამართულ ბრიფინგზე, სადაც მან საქართველოს ყოფილი ელჩი ზურაბ აბაშიძე რუსეთის ფედერაციაში თავის სპეციალურ წარმომადგენლად წარადგინა.
"ჩვენ უნდა მოვახერხოთ და დავალაგოთ ჩვენს ყველაზე დიდი მეზობელთან ურთიერთობა იმის გათვალისწინებით, რომ ორ ქვეყანას შორის არსებობს ძალიან დიდი ისტორია, ჩვენ ძალიან დიდი ხნის განმავლობაში ვცხოვრობდით ერთად სსრკ-მდე მერე სსრკ-ს შემდეგ. იმის შემდგომაც, როდესაც სსრკ დაიშალა. დღეს ჩვენ უნდა მოვახერხოთ რომ ურთიერთობები დავარეგულიროთ და შემდგომ ახალ ხარისხში ავიყვანოთ. სიტუაცია ძალიან მძიმეა, იცით, რომ 2008 წლამდე კიდევ დაკეტილი იყო საზღვრები 2 ქვეყანას შორის, ურთიერთობები პრაქტიკულად შეწყვეტილი იყო. ამას დაერთო 2008 წლის გაუაზრებელი ომი და დღემდე ასეთი მდგომაროებაა", - განაცხადა ივანიშვილმა და აღნიშნა, რომ ზურაბ აბაშიძეს ძალიან დიდი სამუშაო ელოდება.
