საქართველოს მთავრობის კანცელარიის უფროსად მაია ცქიტიშვილი დაინიშნა. როგორც ცნობილია ივანე მერაბიშვილის გაპრემიერების შემდეგ, მთავრობის კანცელარიის უფროსის თანამდებობა აღარ არსებობდა და მის ფუნქციებს თავად პრემიერ-მინისტრი ივანე მერაბიშვილი ითავსებდა. ხოლო ბიძინა ივანიშვილის გაპრემიერების შემდეგ კი აღნიშნული თანამდებობა ისევ აღდგა. რომელსაც სახელმწიფო კანცელარიის მუშაობაში დიდი დატვირთვა ეძლევა.
აღსანიშნავია, რომ მთავრობის კანცელარიას ხელმძღვანელობს საქართველოს პრემიერ-მინისტრი, ხოლო საქართველოს მთავრობის კანცელარიის მიმდინარე საქმიანობას უძღვება საქართველოს მთავრობის კანცელარიის უფროსი, რომელსაც თანამდებობაზე ნიშნავს და თანამდებობიდან ათავისუფლებს საქართველოს პრემიერ-მინისტრი.
კანცელარიის უფროსი კი თავის მხრივ, თანამდებობაზე ნიშნავს და თანამდებობიდან ათავისუფლებს სპეციალურ წარმომადგენელს, რომელიც მისი დავალებით უზრუნველყოფს ცალკეულ საკითხთან დაკავშირებით მისაღები გადაწყვეტილების პროცესის კოორდინირებას და შესაბამისი წინადადებების საქართველოს პრემიერმინისტრისათვის წარდგენას.
ის იმავდროულად, თავისი კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტს - ბრძანებას; ასევე ახორციელებს სრულ ადმინისტრაციულ ფუნქციებს მთავრობის შენობაში.