დიმიტრი სანაკოევის ადმინისტრაციის ყოფილი წევრი და მოძრაობა ,,კოკოითი ფანდარასტის" დამფუძნებელი ვლადიმერ სანაკოევი საქართველოში ჩამოსვლას ნოემბერში გეგმავს. როგორც ,,მაესტროსთან" საუბარში სანაკოევმა განაცხადა აპირებს შეხვდეს ივანე მერაბიშვილს. ამასთან სანაკოევი სახელმწიფო მინისტრს რეინტეგრაციის საკითხებში პაატა ზაქარეიშვილს ტელედებატებში იწვევს.
,,ორი წელია, რაც ვლადიკავკაზში ვარ და ვაპირებ საქართველოში ჩამოსვლას. სექტემბერში ვაპირებდი, მაგრამ ვერ შევძელი. თბილისში რამდენიმე საკითხი მაქვს. ერთი პირადი ბინა უკანონოდ ჩამორთმეული მაქვს პეკინის #45-ში. Dდიდი სურვილი მაქვს შევხვდე ბატონ ვანო მერაბიშვილს და ბევრ საკითხზე მინდა დაველაპარაკო. Bბატონი პაატა ზაქარეიშვილი, თუ დათანხმდება ტელედებატებში დიდი სიამოვნებით მივიღებ მონაწილეობას", _განაცხადა სანაკოევმა.
შეგახსენებთ, რომ სანაკოევმა საქართველო 2010 წლის 13 სექტემბერს დატოვა და უკვე ორი წელია, რაც რუსეთის ფედერაციაში ცხოვრობს.
