დეპუტატმა გიორგი გოზალიშვილმა ფრაქცია ნაციონალური მოძრაობა-რეგიონები" დატოვა. ლაგოდეხის მაჟორიტარმა დეპუტატმა შესაბამისი განცხადებით, პარლამენტის საორგანიზაციო დეპარტამენტს უკვე მიმართა.
გოზალიშვილის თქმით, მან გადაწყვეტიელება საკუთარი სურვილით მიიღო. დეპუტატი "უპარტიო დამოუკიდებელ მაჟორიტარებში" გაწევრიანდება.
გოზალიშვილი მეექვსე დეპუტატია, რომელმაც "ნაციონალური მოძრაობის" რიგები დატოვა.
მაჟორიტარულ ოლქებში "ნაციონალური მოძრაობის" სახელით გასულმა ხუთმა დეპუტატმა საპარლამენტო უმცირესობაში გაერთიანების შესახებ პარლამენტის პირველივე სხდომაზე თქვა უარი. ესენი არიან - გოგი ლიპარტელიანი, გოდერძი ბუკია, ენზელ მკოიანი, კახა ოქრიაშვილი და სერგო ხაბულიანი.
