შესაძლოა, რამდენიმე ელჩი შეიცვალოს, _ განაცხადა ჟურნალისტებთან საქართველოს საგარეო საქმეთა მინისტრმა მაია ფანჯიკიძემ ბიძინა ივანიშვილთან შეხვედრის დაწყებამდე. ფანჯიკიძეს ელჩების ვინაობა არ დაუკონკრეტებია.
,,ალბათ, ცვლილებები იქნება, თუმცა არცერთი გვარის დასახელებას ახლა არ ვაპირებ, რადგან იმ ადამიანებმა, ვისაც ეს შეეხებათ, ეს უნდა შეიტყონ არა პრესის მეშვეობით, არამედ ჩემგან ან სამინისტროს სხვა ხელმძღვანელისგან", - განაცხადა ფანჯიკიძემ.
შეგახსენებთ, რომ პრემიერ-მინისტრი კანცელარიაში საქართველოს საგარეო საქმეთა მინისტრს ხვდება.
