"ნაციონალურმა მოძრაობამ" "ქართულ ოცნებას" სამაგიერო გადაუხადა და „ქართული ოცნების" ლიდერის გამოსვლის დასრულების შემდეგ ტაში არ დაუკრა.
პრემიერ-მინისტრობის კანდიდატი, რომელიც პარლამენტს საკუთარ და საკუთარი გუნდის ხედვას საკანონმდებლო ორგანოს დაახლოებით 40 წუთის განმავლობაში აცნობდა, ტაშის გარეშე დარჩა. ბიძინა ივანიშვილის გამოსვლის შემდეგ ტაში მხოლოდ „ქართულმა ოცნებამ" დაუკრა.
შეგახსენებთ, რომ მერვე მოწვევის პარლამენტის პირველ სხდომაზე, პრეზიდენტის გამოსვლის შემდეგ მიხეილ სააკაშვილის გამოსვლას ტაში მხოლოდ „ნაციონალურმა მოძრაობამ" დაუკრა.