ბრიუსელში სპეციალური ვიზიტის ფარგლებში და საერთაშორისო მედიის წინაშე წარდგომის შემდეგ, "ქართულ-აფხაზური და ოსური ევროპული საერთაშორისო მოძრაობის" პრეზიდენტი, პროფესორი ნესტან კირთაძე ევროპის ერთ-ერთი ყველაზე ავტორიტეტული და გავლენიანი ორგანიზაციის SDA -ის ("უსაფრთხოებისა და თავდაცვის განრიგი") ხელმძღვანელობას შეხვდა.
შეხვედრაზე დეტაულარად იქნა განხილული პანევროპულ და საერთაშორისო სივრცეში წარმოდგენილი სრულიად ახალი, ალტერნატიული სამშვიდობო პროცესის - "ქართულ, აფხაზური და ოსური ევროპული საერთაშორისო მოძრაობის" საქმიანობის კონკრეტული ინიციატივები და ამოცანები საერთაშორისო სამოქალაქო დიპლომატიის დონეზე; კონკრეტული საუბარი გაიმართა, აგრეთვე, პოსტკოტნფლიქტური და პოსტ ომის საქართველოს რეალურ ვითარებასა და სამშვიდობო-ინტეგრაციული პროცესების დაწყებისათვის ალტერნატიული ფორმატებისა და მოქნილი დიპლომატიური მექანიზმების შექმნის აუცილებლობაზე.
შეხვედრის დასასრულს მხარეებმა მიაღწიეს რამდენიმე მნიშვნელოვან შეთანხმებას:
1. უახლოეს მომავალში "ქართულ-აფხაზური და ოსური ევროპული საერთაშორისო მოძრაობა" გახდება შDA-ისა და "ევროპის მეგობრების" სრულფლებიანი წევრი, რაც უდიდესი ევროპული შესაძლებლობაა, რომ საერთაშორისო მოძრაობის პრეზიდენტს პირდაპირი და მჭიდრო კონტაქტები ჰქონდეს ევროპის სახელმწიფოების პოლიტიკურ და დიპლომატიურ ლიდერებთან, უმაღლეს საექსპერტო წრეებთან - "ევროპის ტვინებთან" და ევროპულ და საერთაშორისო პრესასთან.
2. მიღებულ იქნა გადაწყვეტილება, რომ მომავალი წლის თებერვლის ბოლოს და მარტის დასაწყისში ბრიუსელში, SDA -ის ორგანიზებითა და ფორმატით, ევროპელი ექსპერტებისა და ნატოს წარმომადგენლების მონაწილეობით გაიმართოს ქართულ, აფხაზურ და ოსურ, აგრეთვე, რუსულ წარმომადგენლობათა პირველი შეხვედრა და თუნდაც "დახურული კარის" ფორმატში შედგეს პირველი დისკუსიები რეალური სამშვიდობო პროცესის დასაწყებად. კონფერენციის მონაწილეებს "ქართულ, აფხაზური და ოსური ევროპული საერთაშორისო მოძრაობა" წაუდგენს მის კონკრეტულ გეგმას და სამშვიდობო პროცესს, რომელიც უნდა დაიწყოს ხალხებს შორის ურთიერთობისა და ნდობის აღდგენით და დაეფუძნოს სოციალურ, ეკონომიკურ, კკულტურულ და აკადემიურ ურთიერთობებს.
"ასეთი ახალი ფორმატების ძიება და ხალხთა შორის ურთიერთობებისა და ნდობის აღდგენისათვის დაუღალავი საქმიანობა, მოლაპარაკებები, დისკურისები, წინააღმდეგობები, შეთანხმებები, კრიტიკა, დაუძინებელი ოპონირება, მაგრამ მაინც სვლა რეალური მშვიდობისაკემ, ნდობის აღდგენისაკენ და რეალისტური პოლიტიკური პრინციპეპიდან ეკონომიკური რეინტეგრაციისაკენ - ეს არის და იქნება საერთაშორისო დიპლომატიის დონეზე ჩვენი საქმიანობის მთავარი მიზანი.
ჩვენ არ ვეძებთ გზებს მშვიდობისაკენ. ჩვენ ზუსტად ვიცით, რომ მშვიდობაა თავად გზა და ჩვენ ამ გზაზე მყარად, გაბედულად და თამამად დავდექით." - განაცხადა ნესტან კირთაძემ SDA -ის ხელმძრვანელობასთან შეხვედრაზე.
შემდეგ ვიზიტს ნესტან კრითაზე რუსეთის ფედერაციის დედაქალაქში გეგმავს, სადაც შეხვედრები გაიმართება უმაღლეს პოლიტიკურ, დიპლომატიურ და საექსპერტო წრეებთან.