მე კვლავაც ვივლი მთელ მსოფლიოში და გავაგრძელებ საქართველოს პოპულარიზაციას, - განაცხადა საქართველოს პრეზიდენტმა, მიხეილ სააკაშვილმა დუბაიში საერთაშორისო ენერგეტიკულ ფორუმზე.
მისი თქმით, მსოფლიო ბანკის მონაცემების თანახმად, ბიზნესის კეთების სიმარტივით, საქართველო ერთ-ერთი ყველაზე საუკეთესო ადგილია მსოფლიოში. ეს ნიშნავს იმას, რომ საქართველოში ბიზნესზე არ არის კორუფციის წნეხი; პრეზიდენტმა აღნიშნა, რომ საქართველოს შეუძლია მიაღწიოს შემდგომ წარმატებებს და ისურვებდა, რომ საპარლამენტო ოპოზიცია დაეთანხმოს მთავრობას იქ, სადაც უნდა დაეთანხმოს
"მე კვლავაც ვივლი მთელ მსოფლიოში და გავაგრძელებ საქართველოს პოპულარიზაციას, რათა ჩვენს ქვეყანაში კვლავაც ჩაიდოს ფული, საქართველოში ჩამოვიდეს უფრო მეტი ბიზნესმენი, საქართველოში ჩამოვიდეს უფრო მეტი ტურისტი და ყოველივე ამის შედეგად, ქართველმა ხალხმა იცხოვროს უკეთესად. საქართველოში ხალხის დონის გაუმჯობესების სხვა რეცეპტი, თუ არა ეს, უბრალოდ არ არსებობს", - განაცხადა საქართველოს პრეზიდენტმა.