როგორც ჩანს, მოდაში შემოდის რევიზიონისტური განცხადებები, - ამის შესახებ დღევანდელ პრესკონფერენციაზე ჟურნალისტებს "ლიბერთი ბანკის" გენერალურმა დირექტორმა ლადო გურგენიძემ განუცხადა.
მისი თქმით, გიორგი გოგუაძის, "სახალხო ბანკის" ყოფილი დამფუძნებლებისა და აქციონერების განცხადება თავიანთი წილებისთვის ბრძოლის შესახებ, ამღვრეულ წყალში თევზის დაჭერის მცდელობაა.
გურგენიძის განმარტებით, "ლიბერთი ჯგუფმა" ბანკი კომპანია "ევრო ოილისგან" შეიძინა.
"ჩვენ ეს ბანკი ბრმად არ გვიყიდია და თანხა, რაც მასში გადავიხადეთ, გონივრულობის ზედა ზღვარზე იყო. რაც შეეხება ბანკის შეძენას, ის განხორციელდა უცხოური კომპანია "ევრო ოილისგან" და გიორგი გოგუაძესთან და იმ ადამიანებთან, რომლებიც პარასკევის პრესკონფერენციაზე საზოგადოებამ იხილა, მე არანაირი შეხება არ მქონია", - აღნიშნა ლადო გურგენიძემ.