ევროკავშირი მზადაა გააგრძელოს თანამშრომლობა საქართველოსთან აღმოსავლეთ პარტნიორობის ფარგლებში, შეინარჩუნოს პოლიტიკა სავიზო ლიბერალიზაციის საკითხთან და ასოცირებულ თანამშრომლობასთან დაკავშირებით.
ამის შესახებ განცხადება ევროკავშირის საგარეო საქმეთა მინისტრებმა ლუქსემბურგში შეხვედრის შემდეგ გაავრცელეს.
ევროკავშირი საქართველოში ჩატარებულ არჩევნებს მიესალმება და ქვეყნის პოლიტიკურ ძალებს თანამშრომლობისკენ მოუწოდებს.
განცხადებაში ასევე ხაზგასმულია ქვეყანაში ეფექტური საპარლამენტო ოპოზიციისა და აქტიური სამოქალაქო საზოგადოების არსებობის მნიშვნელობა
ევროკავშირი კიდევ ერთხელ ადასტურებს მხარდაჭერას საქართველოს ტერიტორიული მთლიანობისადმი მის საერთაშორისოდ აღიარებულ ფარგლებში.
განცხადება საქართველოს შესახებ შეხვედრის დასრულების შემდეგ ქეთრინ ეშტონმაც გააკეთა და ქვეყნისადმი მხარდაჭერა კიდევ ერთხელ დაადასტურა.
