ჟენევის საერთაშორისო მოლაპარაკებების მონაწილეები ძალის გამოუყენებლობის შესახებ დოკუმენტის შემუშავებაზე მუშაობის დაჩქარებაზე შეთანხმდნენ. განცხადება ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა მოლაპარაკებების დასრულების შემდეგ გააკეთა.
კარასინმა ასევე აღნიშნა, რომ მუშაობა გაგრძელდა რუსეთის მიერ წარმოდგენილ წინადადებაზე, რომელიც საქართველომ მარტში უარყო. მაშინ წარმოდგენილ დოკუმენტში დისკუსიის მონაწილეები მიესალმნენ ძალის გამოუყენებლობის შესახებ განცხადებებს, რომელიც აფხაზურმა, ქართულმა და სამხრეთ ოსეთის მხარემ გააკეთეს ჯერ კიდევ 2010 წელს.
მის საპასუხოდ, ჟენევის დისკუსიის თანათავმჯდომარეებმა შეიმუშავეს განცხადების თავის პროექტი, რომელიც ივლისში იქნა წარმოდგენილი და მისმა რამდენიმე პუნქტმა რუსული დელეგაციის აღშფოთება გამოიწვია.
"კერძოდ, მიუღბლად იყო აღიარებული მოსკოვისადმი მოთხოვნა მისცეს ძალის გამოუყენებლობის პირობა. რუსული მხარე კონფლიქტში თავს მხარედ არ მიიჩნევს და ამ წინადადებაზე წასვლაზე უარს აცხადებს.
დღეს დისკუსიის მონაწილეები მივიდნენ იმ დასკვნამდე, რომ შესაძლებელია მუშაობის დაჩქარება ამ განცხადებაზე. ვეცდებით მომდევნო რაუნზე მისი მიღებისაკენ ვიმოძრავოთ. მოვილაპარაკეთ, რომ სამუშაო ვითარებაში ტექსტების ვარიანტებს გავეცნობით, იმისათვის, რათა მომდევნო რაუნდისათვის იგი მოვამზადოთ და მისი მიღება შევძლოთ", _ აცხადებს კარასინი და აღნიშნავს, რომ ამგვარი განცხადების მიღება "ძალიან მნიშვნელოვანი ნაბიჯი იყო იმისათვის, რათა მის საფუძველზე წინ წაწევა იქნეს შესაძლებელი", _ განაცხადა კარასინმა და აღნიშნა ისიც, რომ ქართული მხარის რეაქცია ამ განხილვაზე რბილი იყო, ვინაიდან ანგაჟირება არავის არ უნდა.
"მოლაპარაკებების შემდეგ რაუნდზე ქართული დელეგაცია შესაძლებელია სულ სხვანაირი იყოს", _აღნიშნა კარასინმა.
