ნაციონალური მოძრაობის პრესსპიკერის, ჩიორა თაქთაქიშვილის განცხადებით, "ქართული ოცნების" სამი წარმომადგენელი ზეწოლას ახორციელებს დედოფლისწყაროში სოფელ საბათლოს რწმუნებულზე. ამის შესახებ "ჯი-ეიჩ-ენს" თაქთაქიშვილმა აცნობა.
"საბათლოს რწმუნებულს ეუბნებიან, რომ ის მხოლოდ იმ შემთხვევაში შეინარჩუნებს თანამდებობას, თუ აღიარებს, რომ არჩევნებს თავად აყალბებდა", - განაცხადა თაქთაქიშვილმა.
მისი განცხადებით, ეს მოთხოვნა არავითარ საფუძველს არ ემყარება და მისი მიზანია დედოფლისწყაროში არჩევნების შედეგების გაუქმება, სადაც ნაციონალურმა მოძრაობამ გაიმარჯვა.
