,ქართულმა ოცნებამ" არჩევნების შედეგები გამოქვეყნა. როგორც ჟურნალისტებთან ,,ქართული ოცნების" ერთ-ერთმა ლიდერმა დავით საგანელიძემ განაცხადა ოქმების 92-93% უკვე დათვლილია.
,,პროპორციული სიით ,,ქართულ ოცნებას" 62% აქვს ეს ის მონაცემია, რომელიც ვერანაირად ვერ იქნება კითხვის ნიშნის ქვეს დაყენებული", _ განაცხადა საგანელიძემ, რომელმაც აღნიშნა, რომ პროპორციულ ნაწილში ,,ნაციონალურ მოძრაობასთან" 2-3% სადავო.
,,ამის გარდა არის დაახლოებით 2-3%, რომლის შესახებ დავა მიმდინარეობს. თუ პრეტენზიები ჩვენს სასარგებლოდ გადაწყდა მაშინ ,,ქართული ოცნება" პროპორციულ ნაწილში 65-66% დააფიქსირებს", _განაცხადა საგანელიძემ.
მისივე განცხადებით, ,,ქართულ ოცნებამ" მაჟორიტარულ არჩევნებში გარანტირებული გამარჯვება 42 ოლქში მოიპოვა.
,, ყველა მონაცემებით, 42 მაჟორიტარულ ოლქში გამარჯვება ,,ქართულმა ოცნებამ" მოიპოვა", _ განაცხადა საგანელიძემ, რომელმაც აღნიშნა, რომ რამდენიმე ოლქში ,,ნაციონალურ მოძრაობასთან" დავა მიმდინარეობს. კერძოდ, ყვარელში, წყალტუბოში, ქედაში, დედოფლისწყაროში, ხაშურში, ზუგდიდში.
საგანელიძის განცხადებით, ,,ქართული ოცნება" ყველაზე უკეთეს შემთხვევაში ,, პარლამენტში 97 მანდატს მიიღებს.
,,ყველაზე ოპტიმალურ შემთხვევაში ,,ქართული ოცნებამ" პარლამენტში შესაძლოა 97 ადგილი აიღოს აქედან 47 მაჟორიტარული, ხოლო 50 პროპორციული სიის", _განაცხადა საგანელიძემ.
Mმისივე განცხადებით, ცესკო შედეგების გამოქვეყნებას შეგნებულად აჭიანურებს.
,,ცესკო ძალიან ნელა მუშაობს და ცდილობს საზოგადოება შეაჩვიოს იმ აზრსს, რომ ,,ნაციონალურ მოძრაობასა" და ,,ქართულ ოცნებას" შორის დიდი სხვაობა არ არის", _განაცხადა საგანელიძემ.