ბუქარესტში საარჩევნო უბანზე საარჩევნო პროცესი ჩაიშალა, - ამის შესახებ ცენტრაული საარჩევნო კომისიის პრესპიკრმა ეკა ეკა აზარაშვილმა ჟურნალისტებს განუცხადა.
მისი თქმით, კომისიის შვიდი წევრიდან ორი ვერ გამოცხადდა ჯანმრთელობის მდგომარეობის გამო და ამის გამო უბნის გახსნა ვერ მოხერხდა.
"ბუქარესტის რუმინეთის საარჩევნო უბანზე, სადაც რეგისტრირებულია 24 ამომრჩეველი საარჩევნო პროცესი ჩაიშალა, იმის გამო, რომ კომისიის შვიდი წევრიდან ორი ვერ გამოცხადდა ჯანმრთელობის მდგომარეობის გამო და ამის გამო უბნის გახსნა ვერ მოხერხდა", - განაცხადა აზარაშვილმა.
დღეს, 1-ელ ოქტომბერს, საქართველოში საპარლამენტო არჩევნები ტარდება. საქართველოს მოსახლეობა მე-8 მოწვევის პარლამენტს ირჩევს.
საარჩევნო უბნები 07:00 საათზე გაიხსნა, ხმის მიცემა 08:00 საათზე დაიწო. 20:00 საათზე კენჭისყრა დასრულდება და უბნები დაიხურება.
ცენტრალური საარჩევნო კომისიის მონაცემებით, ამომრჩეველთა საერთო რაოდენობა 3 613 851 შეადგენს. ქვეყნის მასშტაბით 73 საარჩევნო ოლქი, 3 668 ჩვეულებრივი და 71 გამონაკლის შემთხვევებში შექმნილი უბანი მოქმედებს. 45 უბანი გაიხსნება ქვეყნის ფარგლებს გარეთ.