"სამართლიანი არჩევნები" სარჩევნო უბნებზე არსებულ დარღვევებზე საუბრობს. როგორც ჟურნალისტებთან ,,სამართლიანი არჩევნების" თავმჯდომარემ Nნინო ლობჟარიამ განაცხადა სამართლიანი არჩევნების მიერ ცენტრალურ საარჩევნო კომისიაში შესულია 13 საჩივარი.
,,სამართლიანი არჩევნების ინფორმაციით, საარჩევნო უბნის გახსნის პროცედურები კანონმდებლობის შესაბამისად ჩატარდა მთელი ქვეყნის მასშტაბით 77, 2% შემთხვევაში, 20% შემთხვევაში საარჩევნო უბნებზე დაფიქსირდა უბნის გახსნისა და მოწყობასთან დაკავშირებით მცირედი დარღვევები, ხოლო საარჩევნო უბნების 2, 5% უბნის გახსნის პროცედურები ჩატარდა კანონით დადგენილი ნორმების დარღვევით", _განაცხადა ლობჟარიამ.
Mმისივე განცხადებით, თბილისში ამომრჩევლის მაღალი აქტიურობის გამო საარჩევნო უბნებთან რიგები ფიქსირდება.
,,თბილისში ამომრჩევლის მაღალი აქტიურობა შეინიშნება, რაც საარჩევნო უბნებთან რიგებს ქმნის, თუმცა საარჩევნო ადმინისტრაცია ახერხებს წესრიგის შენარჩუნებას. ძირითადი ტენდენციები დარღვევებთან დაკავშირებით ესაა სამართლიანი არჩევნების დამკვირვებლების უფლებების შეზღუდვის შვიდი ფაქტი, სამ სარჩევნო უბანზე დაფიქსირდა უბნის გახსნის პროცედურები ეს იყო მარნეულის #8, საბურთალოს #57, საგარეჯოს #46 საარჩევნო უბნები. მარკირების შეუმოწმებლობის ფაქტი დაფიქსირდა გლდანის #53 საარჩევნო უბანზე, თუმცა საარჩევნო კომისიის თავმჯდომარე დროული რეაგირება მოახდინა", _განაცხადა ნინო ლობჟარიამ, რომელმაც აღნიშნა, რომ სამართლიანი არჩევნების მიერ ცენტრალურ საარჩევნო კომისიაში 13 საჩივარია შესული.
,,ამ დროისთვის სამართლიანი არჩევნების მიერ ცენტრალურ საარჩევნო კომისიაში შესულია 13 საჩივარი", _ განაცხადა Nნინო ლობჟარიამ.