გაყალბების ერთ-ერთი სქემა, რომლის შესახებ "ჯი-ეიჩ-ენის" კორესპოდნენტს სქემის მონაწილემ აცნობა, რომელმაც ვინაობის გამხელა არ ისურვა.
მისი თქმით, ნაციონალური მოძრაობის კოორიდნატორებმა წინასწარ გამზადებული სიებით ხალხი საარჩევნო უბნებზე მიიყვანეს და უკვე შემოხაზული ბიულეტენი დაახვედრეს.
"მომცეს შემოხაზული ბიულეტენი და მითხრეს, რომ კონვერტში ამას ჩავდებდი და საარჩევნო ყუთში ჩავაგდებდი ხოლო იმ ბიულეტენს, რომელსაც საარჩევნო უბანზე მომცემდნენ ცარიელი გარეთ გამომეტანა. ცარიელი ბიულეტენი გამოვიტანე შემოხაზეს და სხვა მისცეს. მე კი მათ მიერ მოცემული ბიულეტენი მთლიანად გადავხაზე და ყუთში ისე ჩავაგდე", - განუცხადა "ჯი-ეიჩ-ენს" სქემაში მონაწილემ, რომელიც ამბობს, რომ თუ ასე არ მოიქცეოდა მას პრობლემებს შეუქმნიდნენ.