ქართულ საზოგადოების თავისუფლებისკენ სწრაფვას ვერავინ შეაჩერებს, ეს კარგად ესმით საერთაშორის ორგანიზაციებს და ერთ ხმასაც კი არ მოაპარვინებენ ამ რეჟიმს, - განაცხადა კოალიცია "ქართული" ოცნების ზუგდიდის მაჟორიტარი დეპუტატობის კანდიდატმა ირაკლი ალასანიამ გადაცემა "პოლიტმეტრში"
მისი თქმით, სწორედ ამიტომ გააძლიერა რეჟიმმა ტერორი.
"სააკაშვილის მმართველობის მთელი სისტემა არის ჩიხში. დღეს ჩვენ გვაქვს შანსი გავაგრძელოს ეროვნული შენება არჩევნების გზით. მე ვისურვებდი რომ წამების ეს კადრები წლების წინ გამომჟღავნებულიყო. უამრავ ადამიანს გადავარჩენდით. მაგრამ ჩვენ არ გვაქვს მის ახლანდელ გამოჟღავნებასთან არანაირი კავშირი. ეს იმ ადამიანის გადაწყევტილებაა ვინც ეს კადრები სააშკარაოზე გამოიტანა. ბოლო თვეების განმავლობაში სამეგრელოში საზოგადოება გათავისუფლდა იმ შიშისგან, რომელიც ამ სადისტურმა რეჟიმმა წლების განმავლობაში დაამაყარა. ჩვენი გამარჯვების შემთხვევაში ყველა საქმე იქნება ახლიდან გამოძიებული და ბოლომდე მიყვანილი. დიდი სიფრთხილეა საჭირო. უნდა ვმართოთ ჩვენი ემოციები, უნდა მივიდეთ არჩევნებზე და იქ დავუსვათ წერტილი სააკაშვილის რეჟიმს", - განაცხადა ალასანიამ.