"თქვენ ნახეთ, რომ ყველანაირი პროვოკაცია მოგვიწყვეს, მათ შორის შეიარაღებული და პოლიტიკური, მაგრამ კახეთი არც ერთი წამით არ გატოკებულა", - მიმართა საქართველოს პრეზიდენტმა მიხეილ სააკაშვილმა გურჯაანის ცენტრში შეკრებილ მოსახლეობას.
სააკაშვილის თქმით, სწორედ კახეთშია ძარღვი ქართული სახელმწიფოებრიობის.
"ეს არის ჩვენი გენეტიკური მახსოვრობა, უძველესი დროიდან, რომ ჩვენ არასოდეს ჩამოვუშვებთ ხელს. არასოდეს ავიღებთ ხელს შრომაზე, რომ ჩვენ ვერც ერთი მტერი ვერ ჩაგვაყენებს ჩოქბჯენში და ჩვენ ყოველთვის წავალთ წინ", - აღნიშნა ქვეყნის პრეზიდენტმა.
