მე ძალიან კარგად მესმის, იმ ახალგაზრდების ვინც აპროტესტებენ ძალადობას, - ამის შესახებ საქართველოს პრეზიდენტმა, მიხეილ სააკაშვილმა ბათუმში, უნივერსიტეტის გახსნისას, გლდანის ციხეში პატიმართა წამების ამსახველი ვიდეომასალების შესახებ საუბრისას განაცხადა. მისი თქმით, ის რაც მოხდა, ამაზე "მოვახდინეთ რეაქცია", ისეთს როგორც ჩვენზე განვითარებული ქვეყნები ვერ მოახდენდნენ.
"რა თქმა უნდა მე ძალიან კარგად მესმის, იმ ახლაგარზდების ვინც აპროტესტებენ ძალადობას, მაგრამ მე მინდა კიდევ ერთხელ გავიმეორო ის კითხვა, რომელიც გუშინ იუსტიციის სახლის გახნისას დავსვი: ვის უფრო მეტად ანდობთ თქვენ ქვეყანას, რომ საბოლოოდ გაიყვანს სამშვიდობოზე - ხატია დეკანოიძეს, ეკა ზღულაძეს, გიორგი ტუღუშს თუ გოგა ხაინდრავასა და თამაზ თამაზაშვილს?", - განაცხადა პრეზიდენტმა და აღნიშნა, რომ მათ რუსული ფულითა და რუსული კომპრომატებით უნდათ "დაგვაბრუნონ პუტინის რუსეთში".
