რუსეთის საგარეო საქმეთა სამინისტრო საქართველოს ტერიტორიაზე რუსეთის საგანგებო სიტუაციათა სამინისტროს ვერტმფრენის დაჯდომას ეხმიამება და ამის მიზეზად "გამოუვალ მდგომარეობას" ასახელებს.
სერგეი ლავროვის უწყების მიერ გავრცელებულ განცხადებაში ნათქვამია, რომ რუსეთის საგანგებო სიტუაციათა ვერტმფრენი, რომელიც ე.წ. სამხრეთ ოსეთში მიფრინავდა და რომელსაც ჰუმანიტარული ტვირთი გადაჰქონდა "იძულებული იყო საქართველოს ტერიტორიაზე, ცხინვალის სიახლოვეს დამჯდარიყო".
"რიგორც კი პილოტებმა შეცდომა შენიშნეს, უმალ სამხრეთ ოსეთის ტერიტორიაზე დაბრუნდნენ. შემთხვევის დეტალები ირკვევა", _ ნათქვამია რუსეთის საგარეო საქმეთა სამინისტროს განცხადებაში.
