თუ წარსულის აჩრდილები შეგვაცდნენ, ეს მომავალი თაობისა და საქართველოს მომავლის წინაშე ღალატის ტოლფასი იქნება, - ამის შესახებ თბილისში, "სპორტი სასახლეში", "ნაციონალური მოძრაობის" წინასაარჩევნო ყრილობაზე სიტყვით გამოსვლისას თბილისის მერმა, გიგი უგულავამ განაცხადა.
მისი თქმით, იგი დარწმუნებულია ქვეყნის ჭეშმარიტი პატრიოტი აუცილებლად გაუძლებს ამ ცდუნებას. "რადგან ძალიან მარტივ კითხვას დავუსვამ - ყველა სირთულისა და პრობლემის მიუხედავად, ვითარდება თუ არა ქვეყანა, არის თუ არა თბილისი უკეთესი ქალაქი, ვიდრე იყო ადრე".
"ამ შეკითხვა დადებითად უფრო მეტი ადამიანი პასუხობს ვიდრე ნაციონალურ მოძრაობს გვიჭერს მხარს. და ეს პირველ რიგში, იმას ნიშნავს, რომ ადამიანებს არ სურთ წარსულში დაბრუნება, რომ ჩვენი ხალხი არ დაუშვებს აშენებულის დანგრევას და არ დაუჭერს მხარს იმას, ვისაც შენებისა და განვითარების პროგრამა არ აქვს. აქვს მხოლოდ გრძელი სია იმისა, რა უნდა დაანგრიონ ჩვენს მიერ აშნებულისგან. ჩვენი პროგრამა არის მკაფიო და გასაგები - არასოდეს დავბრუნდეთ წარსულში, არ დავუშვათ აშენებულის დანგრევა. არასოდეს დავუჩოქოთ მტერს და მეტი სარგებელი მოვუტანოთ ჩვენს ხალხს", - განაცხადა უგულავამ.
