ივანე მერაბიშვილმა თბილისში სპორტის სასახლეში გამართულ "ნაციონალური მოძრაობის" ყრილობაზე სიტყვით გამოსვლისას აფხაზებსა და ოსებს მიმართა. პრემიერ-მინისტრმა მათ დახმარების ხელი გაუწოდა.
"მე მინდა ამ ტრიბუნიდან მივესალმო, ჩვეულებრივ აფხაზს და ჩვეულებრივ ოსს. მათ შევთავაზო მომავალი, სადაც ისინი იქნებიან პიროვნულად თავისუფლები; მომავალი, სადაც თავისუფლები იქნებიან კრიმინალისაგან; მომავალი, სადაც იქნებიან თავისუფალი კორუფციისაგან; მომავალ, სადაც მათ ექნებათ ხარისხიანი ჯანდაცვა, მაღალი ხარისხის განათლება. მომვალი, როცა მათ ექნებათ ხიდი ევროპაში და დასავლეთ ცივილიზაციაში. ყველაფერს რომ თავი8 დავანებოთ - მომავალი, სადაც ისინი შეინარჩუნებენ თავიანთ თვთმყოფადობასა და კულტურას. მათი მომავალი გადის ერთიან საქართვეოლოში და ჩვენ ქართველები მზად ვართ ხელი გავუწოდოთ მათ და ვუთხრათ: ჩვენ მზად ვართ დაგეხმაროთ ამოხვიდეთ იმ სიბნელიდან, რომელშიც დღეს თქვენ ხართ", - განაცხადა მერაბიშვილმა.
