„ქრისტიან-დემოკრატიული მოძრაობის" ქუთაისის მაჟორიტარობის კანდიდატმა გიორგი ახვლედიანმა ქუთაისის ვაკის უბანში სათბური მოინახულა და სასათბურე მეურნეობების წარმომადგენლებს შეხვდა. გიორგი ახვლედინი დეტალურად გაეცნო სათბურში არსებულ პრობლემებს, როგორც გაირკვა სათბურში გაჩნდა დაავადების კერა, რამაც მთელი წლის მოსავალი გაანადგურა. ქუთაისის მაჟორიტარობის კანდიდატის თქმით, მოსახელობას, რომელსაც არც დაზღვევა აქვს, არც რაიმე სახის სახელმწიფო დახმარება, საბანკო კრედიტების პირისპირ სულ მარტო დარჩა.
გიორგი ახვლედიანმა ადგილობრივებს „ქრისტიან-დემოკრატების" სოფლის მეურეობის განვითარების პროგრამა დეტალურად გააცნო. „ქრისტიან-დემოკრატების გამარჯვების შემთხვევაში პირველ რიგში მოხედაბა სოფლის მეურნეობის ბიუჯეტის 1 მილიარად 100 მილიონ ლარამდე გაზრდა. მისი თქმით, ქდმ-ის გამარჯვების შემთხვევაში მოხდება საწვავის სუბსიდირება. „ქრისტიან-დემოკრატები" პირდებიან მოსახლეობას, რომ მათი გამარჯვების შემთხვევაში აგრო-დიზელი არ ეღირება 80 თეთრზე მეტი, ხოლო ერთი ტომარა სასუქი ოც ლარზე მეტი.
„ქრისტიან-დემოკრატები" მოსახლეობას ასევე აგრო ბანკის შექმნას პირდებიან, რომელიც თავად დაფარავს პირველი სამი წლის კრედიტებს.
„სახელმწიფოს მხრიდან უნდა მოხდეს სოფლის მეურნეობის დარგში დასაქმებული ადამიანების მხარდაჭერა. „ქრისტიან-დემოკრატების" გამარჯვების შემთხვევაში მოხდება სასთბურე მეურნეობების, მეცხოველეობისა და სოფლის მეურნეობის სხვა დარგების განვითარება" - განაცხადა გიორგი ახვლედინმა.