დეპუტატობის კანდიდატებმა თანამდებობები 14 აგვისტომდე უნდა დატოვონ. აღნიშნული გრაფიკი ცენტრალური საარჩევნო ღონისძიებათა გრაფიკშია გაწერილი.
ცენტრალური საარჩევნო კომისიის განრიგის მიხედვით, საინიციატივო ჯგუფის მიერ საქართველოს პარლამენტის წევრობის კანდიდატად წარდგენილი პირები დაკავებული თანამდებობებიდან არჩევნებამდე არაუგვიანეს 48-ე დღისა უნდა გადადგნენ.
ამავე გრაფიკის თანახმად, პარტიებმა, რომლებსაც პარლამენტში წარმომადგენელი არ ჰყავთ და კვალიფიციურ სუბიექტები არ არიან, ცესკოს 15 აგვისტოს მხარდამჭერთა მინიმუმ 25000 ამომრჩევლის სია უნდა წარუდგინონ, ხოლო კვალიფიციურმა საარჩევნო სუბიექტმა 1000 მხარდამჭერის სია.
მხარდამჭერთა სიებს ცესკოს ადმინისტრაციული დეპარტამენტი წარდგენიდან 10 დღის ვადაში გადაამოწმებს.
