"ქრისტიან-დემოკრატები" ოზურგეთის მოსახლეობას შეხვდნენ და პარტიის წინასაარჩევნო პროგრამა გააცნეს.
შეხვედრაზე რომელიც ოზურგეთის სტადიონზე გაიმართა სიტყვით გიორგითარგამაძე, ინგა გრიგოლია და გიორგი ახვლედიანი გამოვიდნენ.
გიორგი თარგამაძემ გურულებთან შეხვედრისას მთავრობისგან მიტოვებული გურიის ეკონომიკური აღორძინების მნიშვნელობაზე ისაუბრა. მოძრაობის ლიდერმა სააკაშვილის მთავრობა წლების განმავლოაში უმოქმედობასა და გურულების გასაჭირის უგულვებელყოფაში დაადანასაულა და მკაცრად გააკრიტიკა.
გიორგი თარგამაძემ ასევე ყურადღება გაამახვილა ამ ბოლო დროს პოლიტიკურ პარტიების მცდელობაზე, რომ სასულიერო პირები პოლიტიკური საარჩევნო ბრძოლის რინგზე აიყვანონ, რაც მისი თქმით ყოვლად წარმოუდგენელი უპასუხის მგებლობის გამოვლინებაა.
მოძრაობის ლიდერის განცხადებით, კარგ და ცუდ ეპისკოპოსებად, ჩემი ან და სხვისი ან მღვდელმსახურებად დაყოფა საზოგადოების გახლეჩის, დაპირისპირების, გადამტერების, პოლარიზაციის, "შუისგაკრეფვის" , კატეგორიული და კონფრონტაციული აზროვნების და უკიდურესი უპასუხისმგებლობის გამოვლინებაა.
„თვით ყველაზე უღირსი სასულიერო პირიც კი სულიწმიდის მადლით მოქმედებს და მისი განმკითხველისა და საბრალდებო ძელზე გამსმელი პოლიტიკოსი დიდად არაფრით განსხვავდება ნაციონალური მოძრაობის იმ პოლიტიკოსებისაგან, რომლებიც თავის კომენტარებში ზოგიერთთათვის მიუღებელ ეპისკოპოსებს ჯოჯოხეთის ბილიკისკენ მიუთითებენ.
ეკლესია ყოველთვის იყო, არის და იქნება ჩვენი ერის გამაერთიანებელი, გამაძლიერებელი და ფასეულობების დამცველი ",- განაცხადა გიორგი თარგამაძემ.