Qქრისტიან -დემოკრატებმა ქუთაისის, ბათუმის, რუსთავის, საჩხერისა და გურჯაანის შემდეგ მორიგი მასშტაბური შეხვედრა მოსახლეობასთან ოზურგეთში გამართეს. შეხვედრაზე რომელიც ოზურგეთის სტადიონზე გაიმართა სიტყვით გიორგი თარგამაძე ,ინგა გრიგოლია, და გიორგი ახვლედიანი გამოვიდნენ.
მოძრაობის ლიდერებმა გურულებს "ქრისტიან-დემოკრატების" წინასაარჩევნო პროგრამა გააცნეს: "ერთიანი საქართველო ყველა თაობისთვის! ბავშვებს განათლება, მშობლებს დასაქმება, ხოლო პენსიონერებს დაფასება!"
Gგიორგი თარგამაძემ, ინგა გრიგოლიამ და გიორგი ახვლედიანმა თავის გამოსვლებში ყურადღება გაამახვილეს პარტიის წინასაარჩევნო პრიორიტეტებზე და მოსახლეობას, როგორც განათლებისა და სოფლის მეურნეობის განვითარების პროგრამები ასევე სხვადასხვა მნიშვნელოვან საკითხებზე ქრისტიან დემოკრატების ხედვები გააცნეს
"დღეს ძალიან მნიშვნელოვანი დღეა ჩვენთვის. ჩვენ მოსახლეობას ვაცნობთ "ქრისტიან-დემოკრატიულ" პროგრამას, რომელიც არის გარანტი ერთიანი საქართველოს ასაშენებლად ყველა თაობისთვის. ეს არის პროგრამა, რომელიც ორიენტირებულია საქართველოს ყველა მოქალაქეზე. აქ ცხოვრობენ ადამიანები, გურულები რომლებიც არიან ყველაზე მეტად მიტოვებულნი ხელისუფლების მიერ ბოლო წლების განმავლობაში, ეს არის რეგიონი სადაც ადამიანებს ძალიან უჭირთ გლეხები ვერ ახერხებენ თავიანთი მოსავლის რეალიზაციას, სახელმწიფო კი მათ დასახმარებლად არანაირ ქმედით ნაბიჯს არ დგამს"- განაცხადა გიორგი თარგამაძემ და დასძინა რომ ქრისტიან-დემოკრატების ხელისუფლებაში მოსვლის შემთხვევაში მოგვარდება ყველა ის პრობლემა, რომელიც მოსახლეობას აწუხებს - იქნება ეს სოფლის მეურნეობის დარგის სუბსიდირება, ახალგაზრდებისთვის ხარისხიანი და ხელმისაწვდომი განათლების მიღება, დასაქმება, თუ დაფასება და პატივისცემა პენსიონერებისთვის.
