დღეს, საქართველოს პრემიერ-მინისტრი ვანო მერაბიშვილი, 2008 წლის აგვისტოს რუსეთ-საქართველოს ომის 4 წლისთავთან დაკავშირებით ზემო ნიქოზში იმყოფებოდა.
პრემიერ-მინისტრი საგუშაგოზე მყოფ ჯარისკაცებს შეხვდა და საქართველოს სახელით მათ მადლობა გადაუხადა.
ვანო მერაბიშვილმა ასევე გაიხსენა 2008 წლის ომის დროს დაღუპული ჯარისკაცები და აღნიშნა, რომ მათი ოჯახები ყოველთვის იქნებიან სახელმწიფოს მზრუნველობის ქვეშ.
საქართველოს პრემიერ-მინისტრი, აგრეთვე გაეცნო საგუშაგოზე მყოფი ჯარისკაცების საველე პირობებს.
