ევროპის განვითარებისა და რეკონსტრუქციის ბანკი 2010 წელს საქართველოს ეკონომიკის 2-პროცენტიან ზრდას ვარაუდობს. ბანკის ინფორმაციით, 2009 წელს ეკონომიკის ვარდნა დასასრულის პირას იყო და ამიტომ 2010 წელს აღმასვლა დაიწყება, რაც სუსტი თუმცა ფრაგმენული ტენდენცია იქნება.
EBRD -ის მთავარი ეკონომისტის ერიკ ბერგოფის განცხადებით, ეკონომიკის ზრდა 2010 წელს იქნება, თუმცა დაბალი ტემპით.
"ნათელია, რომ გლობალური ეკონომიკური კრიზისის სოციალური ხარჯები 2010 წელს შესამჩნევი იქნება, რადგანაც კომპანიების გაკოტრების და უმუშევრობის ტენდენცია გაიზრდება და ევრობანკის გათვლებით რეგიონში ეკონომიკური ზრდა სავარაუდოდ ბოლო ათწლეულში განვითარებულზე დაბალი იქნება", - განაცხადა ერიკ ბერგოფმა.
EBRD -ის ინფორმაციით, საქართველოში ეკონომიკის შეკვეთის განაკვეთი 2009 წელს 5,5 პროცენტი იყო 2008 წელ 2,1-პროცენტიანი ზრდის შემდეგი 2010 წელს მთლიანი შიდა პროდუქტი 2 პროცენტით გაიზრდება.
"საქართველოს ეკონომიკაზე ძლიერი დარტყმა იქონია ეკონომიკურმა კრიზისმა. ქვეყნის ეკონომიკური განვითარება მოსალოდნელია ნეგატიურ ნიშნულზე შენარჩუნდეს, მთავრობის ფისკალური მასტიმულირებელი მექანიზმების მიუხდევად, რომლებიც პირდაპირი უცხოური ინვესტიციებისა და ბანკების დაკრედიტების მკვეთრი ვარდნის დაბალანსებას ისახავს მიზნად. 2010 წელს მდგომარეობა გამოსწორდება და იგი დამოკიდებული იქნება უცხოური კერძო კაპიტალის განახლებულ შემოდინებასა და ბანკების დაკრედიტების განახლებაზე, რომლებმაც პრობლემური სესხების გამო იზარალეს", - აცხადებს EBRD -ის ეკონომისტი ანიტა კაჩი.
EBRD -ის ინფორმაციით, იმ ქვეყნების ეკონომიკაში, სადაც პრობლემები 2010 წელსაც იარსებებს, საქართველოც იქნება.
"ზოგიერთ ქვეყანაში, სადაც მყარ ვალუტაზე არსებობს დამოკიდებულება ფასების და ხელფასების განაკვეთებით რეალური გაცვლითი კურსის კორექტირების საჭიროებამ, შესაძლოა, ზეწოლა გამოიწვიოს მთლიან მოთხოვნაზე. იგივე შეეხება დამატებითი ფისკალური კორექტირების საჭიროებასაც, რამაც შესაძლოა შეანელოს ისეთი ქვეყნების ეკონომიკური განვითარება, როგორიცაა ბულგარეთი, ლიტვა და ლატვია", - განმარტავენ EBRD -ში
