ხვალ, 22 ოქტომბერს, 18:00 საათზე, საქართველოს ეროვნული მუზეუმში (ქარვასლა), ირაკლი აბაშიძის 100 წლის იუბილესადმი მიძღვნილი ფოტოგამოფენა გაიმართება.
როგორც "ჯი-ეიჩ-ენს" კულტურის სამინისტროდან აცნობეს, გამოფენაზე წარმოდგენილი იქნება ირაკლი აბაშიძის ცხოვრებისა და შემოქმედების ამსახველი 100 ფოტო.
გამოფენის ორგანიზატორია ქართული ენციკლოპედიის ირაკლი აბაშიძის სახელობის მთავარი სამეცნიერო რედაქციისა და ქართველ მეცნიერთა დახმარების ფონდი.
გამოფენა კულტურის, ძეგლთა დაცვისა და სპორტის სამინისტროსა და საქართველოს მეცნიერებათა აკადემიის მხარდაჭერით იმართება.
