საქართველოში ვიზიტად მყოფმა ჯეიმს აპატურაიმ საქართველო უკვე დატოვა. ნატოს გენერალური მდივნის წარმომადგენელი სამხრეთ კავკასიის საკითხებში ჯეიმს აპატურაი საქართველოში ერთდღიანი ოფიციალური ვიზიტით იმყოფებოდა. მან ნატო-ს კვირეული გახსნა და რამდენიმე მნიშვნელოვანი შეხვედრა გამართა.
საქარტველოში ნატოს კვირეული გრძელდება. კვირეულის ფარგლებში სხვადასხვა ღონისძიებაა დაგეგმილი. ფოთის სანაპირო დაცვის ბაზაზე საინფორმაციო ცენტრის მოხალისეებს ლექცია ჩაუტარდებათ.
ისინი მონაწილეობას მიიღებენ პატრულირებასა და გემების დაკავების სიმულირებულ ოპერაციაში. ასევე გაიმართება სხვადასხვა სპორტული შეჯიბრება.
შეგახსენებთ, ნატო-ს დღეები საქართველოში უკვე მეხუთედ ტარდება. კვირეულის ორგანიზატორები საინფორმაციო ცენტრი ნატო-ს შესახებ და ევროპულ და ევროატლანტიკურ სტრუქტურებში სახელმწიფო მინისტრის აპარატი არიან.
კვირეულის ფარგლებში ღონისძიებები საქართველოს თითქმის ყველა რეგიონში ჩატარდება.
