ქუთაისის პარლამენტთან მომხდარი უბედური შემთხვევის გამო სამართალდამცავებმა დავით ქავთარაძე დააკავეს, _ აღნიშნულთან დაკავშირებით საქართველოს მთავრი პროკიურატურა განცხადებას აქვეყნებს. ,,ჯი-ეიჩ-ენი" განცხადებას უცვლელად გთავაზობთ:
ქალაქ ქუთაისში, ირაკლი აბაშიძის გამზირზე, ადმინისტრაციული შენობების მიმდებარედ არსებულ მშენებლობაზე, სამშენებლო კომპანიის თანამშრომლის გარდაცვალებასთან დაკავშირებული გამოძიების მიმდინარეობისას დადგინდა, რომ მშენებლობის უსაფრთხოებაზე პასუხისმგებელმა პირმა, სამშენებლო კომპანიის საქმისმწარმოებელმა დავით ქავთარაძემ არ უზრუნველყო უსაფრთხოების წესების დაცვა, რის გამოც 2012 წლის 07 ივნისს ჩამონგრეული სამშენებლო ხარაჩოს ქვეშ მოჰყვა და მიღებული ტრავმებისგან გარდაიცვალა სამშენებლო კომპანიის თანამშრომელი რეზო ნებიერიძე.
2012 წლის 09 ივნისს დავით ქავთარაძე ბრალდებულად იქნა ცნობილი დანაშაულისთვის, რომელსაც ითვალისწინებს სისხლის სამართლის კოდექსის 240-ე მუხლის მეორე ნაწილი,_ ნათქვამია განცხადებაში.
შეგახსენებთ: ქუთაისის პარლამენტის მიმდებარე ტერიტორიაზე ერთ-ერთი დამხმარე ნაგებობის ხარაჩოს ჩამონგრევისას 7 ივნისს რეზო ნებიერიძე დაიღუპა.
