ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ლაშა თორდიას შეფასებით, სექსუალურ უმცირესობებთან დაკავშირებით ,,ქრისტიან-დემოკრატების,, მიერ გაკეთებული განცხადება დანაშაულია.
ამის შესახებ მან „ქრისტიან-დემოკრატების,, ლიდერის გიორგი თარგამძის მიერ, საკონსტიტუციო ცვლილებების ინიციატივით გამოსვლის შემდეგ განაცხადა, რომელიც საზოგადოებაში მორალისა და ტრადიციების შენარჩუნებას ისახავს მიზნად.
თორდიამ ,,ქრისტიან-დემოკრატებს,, შეახსენა, რომ საქართველოს კონსტიტუციისა და კანონმდებლობის თანახმად, ყველა ადამიანი თანასწორია. მისი თქმით, რელიგიური მრწამსის, ან სექსუალური უმცირესობების მიმართ დისკრიმინაციული მიდგომა აკრძალულია და ეს გარანტირებული უფლება, ცივილიზებულმა სამყარომ დაამკვიდრა.
,,საქართველოც ამ ცივილიზებული სამყაროს ნაწილია, რომლის ფუძემდებლური ღირებულებები და ფასეულობები, ადამიანთა თანასწორობაა. ცემით, ლანძღვა-გინებით, ადამიანისთვის აზრის შეცვლა საქართველოში აკრძალული და მიუღებელია. პირველ რიგში ეს პასუხისმგებლობა საქართველოს პარლამენტის წევრმა უნდა აიღოს, თუმცა რეალურად, საზოგადოებაში შუღლს აღვივებს, რაც გიორგი თარგამაძის მხრიდან დანაშაულია,, - აღნიშნა ადამიანის უფლებათა დაცვის კომიტეტის თავმჯდომარემ.
მისვე თქმით, ეგონა, რომ გიორგი თარგამაძე დაგმობდა 17 მაისს მომხდარ დაპირისპირებას, თუმცა პირები ადამიანის უფლებების დამცველებს ირქმევენ და მეორე მხრივ, ჰომოფობიურ განცხადებებს აკეთებენ. „კატეგორიულად ვემიჯნები ამ ტიპის ხედვას, როგორ უნდა იყოს მოქალაქეობრივი თავისუფლება. ასეთი განწყობები მიმართულია იქითკენ, რომ საზოგადოების სხვადასხვა ნაწილებს შორის შუღლი გაღვივდეს", - დასძინა თორდია.