"რუსეთის ბაზრის დაკარგვის შემდეგ, ქართული ღვინის მწარმოებლები ორი ძირითადი პრობლემის წინაშე დადგნენ. სწორედ, ამ ორი პრობლემის გადაწყვეტილებაზე იყო დამოკიდებული თუ როგორ შენარჩუნდებოდა ქვეყანაში მეღვინეობა როგორც ბიზნესი. პირველი ეს იყო ხარისხი და ხარისხის კონტროლის მექანიზმების დაწესება, რომელიც ქართული ღვინის მწარმოებელმა კომპანიებმა მეტნაკლებად გამოასწორეს. მეორე მნიშვლეოვანი კომპონენტი მომავალი წარმატებისა იყო მოგების მარჟის ოპტიმიზაცია", - განუცხადა სააგენტო "ჯი-ეიჩ-ენს" ექსპერტმა ლევან კალანდაძემ. .

მისი თქმით, ქართულ რეალობაში მიღებული იყო, რომ ქართველ მეწარმეებს მოგების მარჟა საკმაოდ მაღალი ქონდათ ჩადებული.

"ქართულ რეალობაში მიღებული იყო, რომ ქართველ მეწარმეებს მოგების მარჟა საკმაოდ მაღალი ქონდათ ჩადებული, რითაც ევროპულ ანალოგებს კონკურენციას ვეღარ უწევდნენ. შესაბამისად თუ ღვინის ბიზნესში მოგების მარჟის შემცირებოდა, მაშინ საერთაშორისო ბაზარზე კონკურენციის გაწევა შესაძლებელი იქნებოდა", _ გააცხადა ლევან კალანდაძემ.

კალნდაძის განმარტებით, ხარისხის კომპონენტი ქართული ღვინის მწარმოებელი კომპანიების მხრიდან შესრულებულია.

"რაც შეეხება მოგების მარჟის შემცირებას ეს კომპონენტი ჯერჯერობით შეუსრულებელია. საბოლოოდ გამოდის ისე, რომ ჩვენ გვაქვს მაღალი ხარისხის პროდუქცია, კარგად ბრენდირებული და შეფუთული, მაგრამ იმდენად მაღალია მოგების მარჟა, რომ იტალიურ, ფრანგულ ანალოგებს კონკურენციას ვერ ვუწევთ', _ აცხადებს ექსპერტი და დასძენს, რომ "შედარებისათვის, საფრანგესთა და იტალიაში მასობრივად წარმოებული ღვინის ფასი 2,5-3 ევროა, მაშინ როდესაც ქართველი მეღვინეების მიერ წარმოებული ღვინის საბითუმო ფასი, ადგილობრივ ბაზარზე 5 დოლარია. ანუ ამ მხრივ ქართული ღვინო კონკურენციას ვერ გაწევს თუ კი თავად მეწარმეებმა კარდინალურად არ შეცვალეს მიდგომა ფასწარმოქმნის მექანიზმებთან დაკავშირებით".

ექასპერტი მიიჩნევს, რომ თუ კი სიტუაცია დროულად არ შეიცვლება და მოგების მარჟა არ შემცირდება, მაშინ ქართული ღვინის ექსპორტი კიდევ უფრო შემცირდება.

ექსპერტის აზრით, ღვინის ექსპორტის ზრდისთვის მარკეტინგული კამპანიის წარმართვა მნიშვნელოვანი ფაქტორია, თუმცა არა პირველხარისხოვანი.

"მარკეტინგული კამპანია მნიშვნელოვანია მაგრამ მეორეხარისხოვანი, რადგანაც მასობრივი მომხმარებლისათვის პრიორიტეტი არის ფასი. ფასის შემდეგაა მნიშვნელოვანი უკვე მარკეტინგული კამპანია. თუ კი ეს კომპონენტი არ დარეგულირდება და მოგების მარჟა არ შემცირდება, მაშინ მარკეტინგში გადახდილი თანხა ტყუილად გადაყრილი ფული იქნება"- განუცხადა "ჯი-ეიჩ-ენს" ექსპერტმა ეკონომიკის საკითხებში ლევან კალანდაძემ.

შეგახსენებთ, რომ 2009 წელს ღვინის ექსპორტი 2008 წელთან შედარებით 10 %-ით შემცირდა. 2008 წელს საზღვარგარეთ 12 მლნ. 192 ათას 475 ბოთლი ქართული ღვინის ექსპორტი განხორციელდა, მაშინ როდესაც 2009 წელს ექსპორტი 1 მლნ. 224 ათას 314 ბოთლით შემცირდა და გასულ წელს ექსპორტმა 10 მლნ. 968 ათას 161 ბოთლი შეადგინა.

მნიშვნელოვანი კლება დაფიქსირდა ასევე ქართული ღვინის მთავარ სამიზნე ბაზარზე. ოფიციალური მონაცემებით, 2009 წელს 2008 წელთან შედარებით ქართული ღვინის ექსპორტი უკრაინაში 32 %-ითაა შემცირებული. 2009 წელს უკრაინაში 4 მლნ. 573 ათას 461 ბოთლი ქართული ღვინო გავიდა, მაშინ როდესაც ეს მონაცემები 2008 წელს 6 მლნ. 747 ათას 668 ბოთლს აღწევდა.

სამაგიეროდ გასულ წელს 2008 წელთან შედარებით ღვინის ექსპორტი გაზრდილია ყაზახეთში, ბელორუსიაში, ლიტვაში, აზერბაიჯანში, ჩინეთსა და კიდევ რამდენიმე ქვეყანაში.