"ერთმნიშვნელოვნად აღინიშნა, რომ ხელისუფლების პროპაგანდა ვითომდა ქვეყნის ინფრასტუქტურული აღმშენებლობის შესახებ, რომელიც საერთო ნაციონალური არხებით წლების განმავლობაში მიმდინარეობს, მხოლოდ ქვეყანაში ვირტუალური კეთილდღეობის შექმნაზეა გამიზნული და სინამდვილესთან არანაირი კავშირი არა აქვს. დედაქალაქში მთლიანად მოშლილია სანიაღვრე სისტემა, არ არსებობს სტიქიის პრევენცია ხელისუფლების მხრიდან, მათ დაუდევრობასა და არაპროფესიონალიზმს სამწუხაროდ უდანაშაულო ადამიანები ეწირებიან. ჩნდება შეკითხვები მეშვიდე იზოლატორში შექმნილ მდგომარეობასთან დაკავშირებით", - აღინიშნა სხდომაზე.

აღმასრულებელმა საბჭომ განიხილა მოახლეობულ 21-26 მაისთან დაკავშირებული "სახალხო კრების" ღონისძიებების გეგმა. გადაწყდა, რომ "სახალხო კრების" შეხვედრა საზოგადოებასთან შემჭიდროებულ ფორმატში გაიმართება 2012 წლის 21 მაისს სასტუმრო "შერატონ მეტეხი პალასში" 14:00 საათზე, იმ დღის აღსანიშნავად, როდესაც ქვეყანაში არსებული რეჟიმის წინააღმდეგ უპრეცედენტო ტერორის მიუხედავად 30 000 ადამიანზე მეტი გამოვიდა თბილისში თავისუფლების მოედანზე, ხოლო პარარელურად ბათუმში ერას მოედანზე შეიკრიბა აჭარის რეგიონისთვის უპრეცედენტო რაოდენობა, 6 000 ადამიანზე მეტი.

"23 მაისს აღმასრულებელი საბჭოსა და დარბაზის წევრები გამართავენ შეხვედრას ბათუმში, ხოლო 26 მაისს "სახალხო კრების" მხარდამჭერები, 2011 წლის 26 მაისის მონაწილეები და ყველა ის ადამიანი, რომელსაც სურვილი აქვს პატივი მიაგოს ხელისფლების მიერ სისხლიანი სადამსჯელო სპეცოპერაციის შედეგად გარდაცვლილებს, დაზარალებულებსა და პოლიტპატიმრებს დილის 11:00 საათიდან შეიკრიბებიან სამების საკათედრო ტაძრის ეზოში. უწმინდესისა და უნეტარესის სრულიად საქართველოს კათალიკოს პატრიარქის ილია მეორის ლოცვა-კურთხევით "სახალხო კრება" გადაიხდის პანაშვიდს გარდაცვლილთათვის და პარაკლისს დაზარალებულთა და დაპატიმრებულთათვის", - აღნიშნავენ "სახალხო კრების" წარმომადგენლები.