„ქართული დასი" დიპლომატიურ კორპუსს და საერთაშორისო ორგანიზაციებს აცნობებს, რომ საპარლამენტო უმრავლესობამ სპეციალურად, მისი პარტიის მიმართ, დისკრიმინაციული კანონპროექტი მოამზადა.
როგორც მიმართვაშია ნათქვამი, საქართველოს პარლამენტში კანონები იწერება კონკრეტული ლიდერების ან პოლიტიკური ძალების სასარგებლოდ ან საწინააღმდეგოდ, ამის გამოვლინება იყო ბიძინა ივანიშვილის და „ქართული ოცნების" წინააღმდეგ გამოცემული არაერთი საკანონმდებლო აქტი.
,,მიმდინარე წლის 28 თებერვალს საქართველოს პარლამენტში, პრეზიდენტთან გამართული, დებატების დროს მოხდა ცნობილი დაპირისპირება
„ქართულ დასი" მის მიმართ დისკრიმინაციას პრეზიდენტსა და ჯონდი ბაღათურიას შორის პარლამენტში 28 თებერვალს გამართულ დებატებსა და კორუფციის შესახებ დოკუმენტების წარდგენას უკავშირებს.
კერძოდ საუბარია „მოქალაქეთა პოლიტიკური გაერთიანებების შესახებ" კანონში ჩანაწერზე, რომლის მიხედვითაც ,,ქართულმა დასი,, 2008 წლის საპარლამენტო არჩევნებში მოპოვებული კვალიფიციური პარტიის სტატუსის მიუხედავად, ვერ მიიღებს უფასო საეთერო დროის ლიმიტს და ყველა სხვა უფლებას, რომელიც დანარჩენ კვალიფიციურ პარტიებს გააჩნიათ.
,,საქმე ისაა, რომ პ.გ. „ქართული დასი" საარჩევნო გარემოს გაუმჯობესების მოთხოვნით, ბოიკოტს უცხადებდა და არ მონაწილეობდა 2010 წლის ადგილობრივი თვითმმართველობის არჩევნებში. ამგვარი საკანონმდებლო ჟონგლიორობით მივიღეთ შემდეგი სურათი: უფასო სარეკლამო დროის ლიმიტი ექნება ყველა პარტიას, ზოგს იმის გამო, რომ 2008 წლის საპარლამენტო არჩევნებში მოიპოვა კვალიფივიური პარტიის სტატუსი, მაგ: „ლეიბორისტებს", რომლებიც მარტო მონაწილეობდნენ 2008 წლის საპარლამენტო არჩევნებში და „კონსერვატიულ პარტიას", რომელიც „გაერთიანებული ოპოზიციის" ბლოკის წევრთა ჩამონათვალში იყო პირველი ნომერი და ზოგს იმიტომ, რომ მონაწილეობდა 2010 წლის ადგილობრივი თვითმმართველობის არჩევნებში, განურჩევლად იმისა ბლოკის ჩამონათვალში პირველი იყო თუ ბოლო. (30-ე მუხლის მე-12 პუნქტი), ხოლო პ.გ. „ქართულ დასს" არ ექნება უფასო სარეკლამო დროის ლიმიტი, მიუხედავად იმისა, რომ 2008 წლის საპარლამენტო არჩევნების შედეგების მიხედვით მოიპოვა კვალიფიციური პარტიის სტატუსი, ყავს პ.გ. „ქართული დასის" ქვოტით გასული თავისი წარმომადგენელი პარლამენტში და არის ერთერთი ყველაზე აქტიური საპარლამენტო ოპოზიციური პარტია,,- აღნიშნულია მიმართვაში, რომელსაც ,,ქართული დასი,, დიპლომატიურ კორპუსს და საერთაშორისო ორგანიზაციებს უგზავნის.