საქართველოს პარლამენტის თავმჯდომარემ დავით ბაქრაძემ ქუთაისელებს დღეს "ქუთაისობა" მიულოცა. პარლამენტის თავმჯდომარე ბაგრატის ტაძარს ეწვია და ქუთათელ-გაენათელი მიტროპოლიტის, მეუფე კალისტრატეს მიერ აღვლენილ წირვას დაესწრო.
როგორც დავით ბაქრაძემ ჟურნალისტებთან აღნიშნა, „ქუთაისობის" წლევანდელი დღესასწაული გამორჩეულია, რადგან არასდროს ქუთაისი ამ დღეს ასეთი დიდი პროექტებით არ შეხვედრია.
„წელს ქუთაისი ათასწლეულის მოვლენას იზეიმებს, გაიხსნება განახლებული ბაგრატის ტაძარი. წელსვე ქუთაისს პარლამენტის ახალი შენობა შეემატება. ქალაქი დაიბრუნებს საქართველოს ადმინისტრაციული და პოლიტიკური ცენტრის ფუნქციას" - აღნიშნა სპიკერმა.
