2-3 მაისს ევროკავშირი-საქართველოს საპარლამენტო თანამშრომლობის კომისიის სხდომა გაიმართება.
პარლამენტის პრესსამსახურის ინფორმაციით, 2 მაისს საკანონმდებლო ორგანოში ევროკავშირი-საქართველოს საპარლამენტო თანამშრომლობის კომისიის მე-14 სხდომა გაიხსნება. მას საქართველოს საგარეო საქმეთა მინისტის მოადგილე თორნიკე გორდაძე და საქართველოში ევროკავშირის დელეგაციის ხელმძღვანელი ფილიპ დიმიტროვი გახსნიან.
3 მაისს პარლამენტის ევროპასთან ინტეგრაციის კომიტეტის თავმჯდომარე დავით დარჩიაშვილი და ევროკავშირი-საქართველოს საპარლამენტო კომისიის თანათავმჯდომარე მილან ცარბნოხი ერთობლივ ბრიფინგს გამართავენ.
დელეგაციის წევრები არასამთავრობო ორგანიზაციების, ოპოზიციის წარმომადგენლებს და მცხეთის მუნიციპალიტეტის გამგებელს თემურ აბაშიძეს შეხვდებიან.
